О МОЛИТВЕ  МОЛИТВЫ КАЗАКА  МОЛИТВЫ О ЦАРЕ И РОССИИ  АКАФИСТЫ

РУССКИЕ ВОИНСКИЕ МОЛИТВЫ 

МОЛИТВЫ ЗА ЦАРЯ И РОССИЮ

Молитва  покаянная

(о восстановлении престола Царского на Руси)

Господи, Боже наш, со умилением и воздыханием сердечным вопием Ти: остави роду нашему и нам, многогрешным рабом Твоим, грех отступления от православнаго Царя — образа Небеснаго. Милостивно возстави Царский престол на земли Российской, во избавление нас от всякого прельщения, злаго обстояния и власти антихристовой. Укажи нам, Господи, избранного помазанника Твоего, Царю Давиду подобно, мужа благоверна, по сердцу Твоему. Снабди его, Господи, верою пламенеющей, умом глубоким, волею непоколебимой и всякими дары духовными. Защити нас, Господи Милосердный, и помози соблюстися нам в правоверии непозыблемо, во страсе Божии и почтении к Царю и во всех прочих заповедях. От душетленных же страстей сподоби избавитися и невредимо сохранитися нам. Да прославим Бога в Троице воспеваемого, Отца и Сына, и Святаго Духа, Ему же слава во веки веков.

Аминь.

Молитва о Русской земле и русском народе

Господи, Боже Сил! Призри милостивым оком Твоим на зело страждущую страну нашу, в ней же беззакония наша умножиша нестроения и раздоры, и междоусобия.

Господи, Боже милосердный! Боже всемогущий, паки и паки припадаем к Тебе и слезно в покаянии и умилении сердца вопием: помилуй землю Русскую, утоли вся раздоры и нестроения, умири сердца, страстью обуреваемые, вдохни мужество в сердца стоящих на страже благоустроения Отечества нашего и всех нас озари светом закона Твоего евангельского, возгрей сердца наши теплотою благости Твоей, утверди волю нашу в воле Твоей. Да якоже древле, тако и ныне в земле нашей, и в нас, через нас прославится всесвятое имя Твое, Отца и Сына, и Святого Духа. Аминь.

Молитва о восстановлении Самодержавнаго Царства Русского

Господи Боже наш, приими молитву нашу, о Церкви Твоей Святей приносимую, о всех людех Твоих, их же искупил еси честною Твоею Кровию.

Приими молитву сию о благоверных царех и царицех, князех и княгинех, епископех и священницех, монасех и бельцех, воинех и младенцех, за веру и царство православное подвизившихся, наипаче же от жидов и инех клеврет сатанинских умученых, и молитвами их сокруши и разори жертву беззаконную, на земли российстей бесовом приносимую, и даруй нам на последняя времена царя православнаго и самодержавное царство его в щит и ограждение и сохранение и спасение Церкви Святей Твоей.

Помяни ны и вся люди Твоя, отцы и братию нашу, о возстановлении царства самодержавнаго подвизавшихся, и укрепи силою Духа Твоего Святаго во брани до конца претерпети и устояти, и венцев небесных сподоби. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.

Молитва о даровании Православного Царя

Господи, Боже наш, со умилением и воздыханием и с тугою сердечною приступихом к Тебе, и припадаем к Ти, и в болезни духа вопием: согрешихом, беззаконовахом, неправдовахом пред Тобою, дары Твоя - церквей благолепие, плодов изобилие, воздухов благорастворение, земли благоплодие, ихже Святей Руси даровал еси Царством Самодержавным - в небрежении прияхом и благодарения подобна Тебе Владыце и Щедродателю нашему не воздахом, паче же отрекохомся владычества Твоего, аще чрез помазанника Твоего и Царство Православное утвердил еси; возлюбихом земная паче небесных и временная паче вечных - и обою лишихомся, возлюбихом волю свою паче Твоея творити - и ею врагу твоему поработихомся; исповедуем же, яко истиною и судом навел еси вся сия на ны грех ради наших.

Помяни, Господи, и речения пророк Твоих новых, ихже в земли Русской прославил еси в последняя времена сия, яко даруеши людем Твоим на малое время последнее паки оплот крепок и стену недвижиму - Царя Самодержавна, Помазанника Твоего Благословенного, сия же паки вемы, яко несть дар сей от человек, ниже многомятежному похотению их даруется, но могуществом Твоим, и волею, и благим промышлением Твоим устрояется; темже и вопием к Тебе со слезами: воздвигни нам вожди духовные, мужи в силе Илии и Еноха, да воля Твоя от них возвещаема непреложно да совершится, нашу же волю падшую и греховною отлагаем зде пред Тобою и аще благоволиши милостиво призрети на ны, недостойныя рабы Твоя, Сам Владыко укажи нам, избранного Твоего Самодержца, помазанием же божественным на служение Царское всеми дарами духовными снабди его. Аминь.

Молитва за Церковь и Россию

Господи Иисусе Христе Сыне Божий, к Тебе прибегаю с молитвою, и молю Тя, наигрешнейший (шая) раб (а) Твой, вместе со всеми братьями и сестрами нашими православными христианами. Господи премилостивый, укрепи церковь нашу святую Православную и ниспошли святейшему патриарху нашему (Имя) и духовным отцам нашим (Имена) несокрушимое здравие духовное и телесное на многие лета; ниспошли Господи отцам церкви нашей святой великую Твою врачебную силу с небесе, для того, чтобы молитвами своими святыми они могли исцелять души и телеса заблудших овец стада Твоего - нас, наигрешнейших раб Твоих, и возвращали бы нас в лоно Церкви нашей святой православной. Спаси Господи и помилуй страну нашу православную Россию и христолюбивыя власти ея, и воинства ея, и народ ея, всех нас многогрешных и недостойных раб Твоих; просвяти Господи помрачённый разум наш, вразуми и настави нас на путь истинный, и только Тебе известными путями приведи каждого из нас к желанному концу, к Тебе - пристанищу нашему и блаженному упокоению, да будет на то воля Божия. Аминь.

Молитва о спасении Державы Российской

Господи Боже, Спасителю наш! К Тебе припадаем сокрушенным сердцем и исповедуем грехи и беззакония наша, имиже раздражихом Твое благоутробие и затворихом щедроты Твоя. Отступихом бо от Тебе, Владыко, и заповедей Твоих не соблюдохом, ниже сотворихом, якоже заповедал еси нам. Сего ради нестроением поразил еси нас, и дал еси нас на попрание врагом нашим, и умалихомся паче всех язык, и быхом в притчу и поношение соседом нашим.

Боже великий и дивный, каяйся о злобах человеческих, возводяй низверженныя и утверждаяй низпадающая! Небесную Твою силу с небеси ниспосли, уврачуй язвы душ наших, и воздвигни нас от одра болезни, яко наполнишася расслабления чресла наша, яко болим неправдою и рождаем беззаконие. Утоли шатания и раздоры в земле нашей, отжени от нас зависти и рвения, убийства и пианства, разжжения и соблазны, попали в сердцах наших всяку нечистоту, вражду и злобу, да паки все возлюбим друг друга и едино пребудем в Тебе, Господе и Владыце нашем, якоже повелел еси и заповедал еси нам.

Помилуй нас, Господи, помилуй нас, яко исполнихомся уничижения и несмы достойны возвести очеса наша на небо. Помяни милости, я же показал еси отцем нашим, преложи гнев Твой на милосердие и даждь нам помощь от скорби. Молит Тя Твоя Церковь, представляющи Тебе ходатайство другов Твоих: преподобных и богоносных отцев наших Сергия Радонежского и Серафима Саровского, Петра, Алексия, Ионы, Иова, Филиппа, святителей Московских, священномученика Ермогена, наипаче святителя Тихона, Патриарха Московского и святых Царственных Мучеников Николая, Александры, Ольги, Татьяны, Марии и Анастасии, цесаревича Алексия, и всех Новомучеников Российских за Веру, Царя и Отечество душу свою положивших, изряднее же Пресвятыя Богородицы и Присно-Девы Марии, от лет древних покрывавшия и заступавшия страну нашу. Вразуми всех, иже во власти суть, и возглаголи в них благая и Церкви Твоей и о всех людях Твоих. Силою Креста Твоего укрепи воинство наше и избави их от всякого навета вражия.

Господи! Умилосердися, прости грехи и беззакония наши и обрати сердца наши к Тебе, воздвигни нам Царя - Помазанника Твоего, благоверного мужа силы и разума, ревнителя Православия, праведного защитника Святой Руси, исполнителя воли Твоей, и даждь нам всем духа премудрости и страха Божия, духа крепости и благочестия.

Господи, к Тебе прибегаем, научи нас творити волю Твою, яко Ты еси Бог наш, яко у Тебе источник живота, да во свете Твоем узрим свет. Пробави милость Твою ведущим Тя во веки веков. Аминь.